భ్రమ

పొంగులు వారే ఆనందపు సంద్రమున నీ డెందము

రంగులు చిందే ప్రకృతిలోని హరి విల్లు యొక్క చందం

చూచి, చూచి మనసాలపించి ఎద పొంగి పోయెనా?

వేచినా గతపు రోజుల వెలుగు నేడు చేరునా?

మంద మరుదముకు డెందము పొంగునొ?

అరుణ ధీధితుల చరణము కదులునొ?

అణువణువణువున ఒయ్యారము లొలికెనొ?

కనువిందాయె మయూరపు లేమ.

కాదు కాదు పొరపాటాయెనది

నెమలికాదొక మేఘపు పంక్తి,

ఎదలో రగిలిన భావ మాలిక

విరిసెను ఈ విధి గేయ రూపిక