ఇది సాయం సంధ్యా సమయం
గగనమ్మే అరుణ మయం
అటు నింగిన చుక్కలు పొంగులు పోతూ
చంద్రుడి కొఱకై వేచి చూచే
సాయం సంధ్యా సమయం.
పక్షులు గూటికి చేరే
తమ శిశువులు వేచి చూడ
తమ మనసున మమతలు వెతలును మఱువగ
ఉద్వేగముతో ముందుకు సాగే
సాయం సంధ్యా సమయం
ఏడీ ఱేడు ఏడీ
గగనమ్ముకు రాడేడీ
అని కలువదె మనసున కలతను కలగి
విరహోత్కంథత వేచే
సాయం సంధ్యా సమయం
మత్తును గొలిపే మలయానిలము
మన్సున ఆశలు రేప
ఇంతింతై అంతై ఎంతో
ఆశతొ వేచే విరహిణి రాధకు
సాయం సంధ్యా సమయం
No comments:
Post a Comment