గతమున ఎదలో నిలిచిన గాథలను తిరిగి పలుక
పిచ్చివాడినంటారు ఫలితమేమిటంటారు.
వడిగా నే పరుగు తీసి వడలిన నా ముగము తోనె
చింత చెట్ల కొమ్మలపై ఊయల లూగాను నాడు
కింద పడుదువన్నారు చేయి విరుగనన్నారు.
నా ఎదలో పొంగునట్టి ఆనందము నీగలరా?
పరుగులతో కాల్వ చేరి ఈత కొఱకు దూకగనే
ఈత రాదు అన్నారు మునిగి పోదువన్నారు.
ఎదలో నిండుగ నిలిచే ఆనందము నీగలరా?
అకాశమునందుకొనే ఆ కొమ్మల కట్టిన
గడ్డి వెంటులను నూయ లూగ తలచి ఎక్కాను.
జారి పడుదువన్నారు కాలు విరుగునన్నారు.
ఎదలో పొంగే ఉరుకును ఆపి పెట్ట గలరా?
గతమున ఎదలో నిలిచిన గాథలను నేను పలక
పిచ్చివాడినన్నారు ఫలితమేమిటన్నారు?
గత మధుర స్మృతులు ఇచ్చు ఆనందమునీ గలరా?
No comments:
Post a Comment