అర్భకుండనైనాను అలుసత బ్రదికిన వేళ
తెలియదు బ్రదుకిన్ని గతుల మార్పులు మరి వచ్చుననీ
ఆవేదన, ఆవేశము, ఆక్రందన అనుకంపన
అనుపదముల కర్థములు అసలే తెలియవు నాకు.
మనసు పొంగ మాటలతో తనువు పొంగ నాటలతో
గడిపి వేసి, గడిపి వేసి కనుల తెరిచితొకనాడు
చదువే నా లోకమని బ్రదికితి నా యౌవనమున
లోకపు రీతుల తెలియక గడిపితి నా రోజులను
ఈ అనుక్షణ సాధనలో ఈ తెలియని లోకములో
ఎందుకో నా మది ఈ రీతిన ఈ నాడు
ఆవేశాలకు లోనై ఆవేదనలకు తావై
అనుక్షణము ప్రతి దినము అలమటించు నో స్వామీ!
అర్భకుడను కాను నేను అలుసుదనము లేదు నాలో
లోకములో జరుగు మార్పులను చూచిన ఆవేదన
ఎపుడు ధర్మ పాలన వచ్చునని నిరీక్షణ
తెలుసులే జవాబు రాదు ఈ ప్రశ్నకు బదులు లేదు.
No comments:
Post a Comment