మరచి చితుల రగిలించేవు.
పసితనాన నాలోన ప్రబలిన ఏదో కతమున
ఏ దోషము జరిగినదో ఏల నన్ను మరచితిరే?
అను దినము అను క్షణము అమరమైన దైవ స్మృతితొ
అలరాలగ నా మనసున అనుకుంటిని నాడు
అలసటతో మనసు సొలసి అలమటించి నీ సేవల
చేయనైతి నేడు ప్రభూ! ఈ దోసము మన్నింపుము.
నీ ప్రార్థనలోనె నేను నిఖిల జగము నెరిగినాను.
నీ ప్రేమతొ లోకమ్మున ప్రేమను వీక్షించినాను.
ఏ గత కాలపు దోసమొ ఎగతాళిగ మారె బ్రతుకు
ఏల నేను ఏ రీతిన ఎంత కాల మోర్వగలను?
మరచినావు నన్ను నీవు ఓ ప్రభూ!
మరచి ఏల నా ఎద రగిలించేవు?
గుండెలలో నిన్ను నేను నింపుకొని
గుంభనగా నీ పూజల చేసితిని.
అనుకొంటిని ఆ నాడు ఏ దోసము చేసితినో
ఏ గత రీతుల దోసమొ ఎగతాళిగ మారె బ్రతుకు
మరచినావు నన్ను నీవు ఓ ప్రభూ!
మరచి ఏల నా ఎద రగిలించేవు?
కైలాసమ్మున ఉన్నావనుకొని కామితార్థముల నేను కోరగా
నేరక నాకు ఏమి కావలయు ఎరుగుదు నీవని ఎదనెంచీ,
తండ్రీ, ఓ తండ్రీ, నా పుర హర హర హర రా రా
అని మరి మరి మరి వేడితి ఏల నీవు రా నేరవు?
No comments:
Post a Comment