ఓంకారము

          

ఏదీ ఆ ఓంకార ప్రణవ నాదం

ఏదీ ఆ దివ్య అరుణ రాగం?

మానవులందరి ఎదలో మెదలే

ఆనంద రాగం ఏదీ? ఏదీ?

సుషుప్తి నుండి మేలుకొలిపే

గుడి గంటలు ఏవీ? ఏవీ?

మంచిని కోరీ ఆచరించే

మానవతా  మూర్తులు ఏరీ?

ఆశా మోహం రాగం ద్వేషం

అలుము కొన్నవా నాల్గు మూలలా

అనురాగ భావనల దివ్య దీధితులు

చెదిరి పోయెనా ఈ నాడు?

మనిషిని మనిషి ద్వేషించేనా

దేశపు ప్రగతి నిలిచేను

దేశము దేశము ద్వేషించేనా

మారణ కాండ సాగేను

ప్రేమభావనలు వెల్లి విరిసినా

వెదజల్లే ప్రకృతి నవ్వులు

హరిత రాగము అంతట నిలబడి

అందించేను చేతులు

ఈ భావనలంతా వెద జల్లే

మహా పురుషులకు జోతలు.